आईपीएलः कलकताले मुम्बईविरुद्ध खेल्दै

काठमाडौँ- इन्डियन प्रिमियर लिग (आईपीएल) मा आज राति कलकता नाइट राइडर्सले मुम्बई इन्डियन्सको सामना गर्दैछ ।

कलकता र मुम्बईबीचको खेल इडेन गार्डेन्समा नेपाली समयअनुसार राति ७:४५ बजेबाट सुरु हुने तालिका रहेको छ ।

---

शीर्ष स्थानमा रहेको कलकताले ११ मध्ये ८ खेलमा जित हात पार्दा केवल ३ खेलमा पराजय भोगेको छ । कलकताको १६ अंक छ । राजस्थान रोयल्सले पनि ११ खेलबाट १६ अंक जोडेपनि नेट रनरेटमा भने कलकताभन्दा तल छ ।

यता मुम्बईले भने १२ मध्ये केवल ४ खेलमा जित हात पारेको छ । उसले ८ खेलमा पराजय भोगिसकेको छ ।