टी-ट्वान्टी सिरिजः आयरल्यान्डसँग हार्‍यो नेदरल्यान्ड्स

काठमाडौँ- त्रिकोणात्मक टी-ट्वान्टी अन्तर्राष्ट्रिय सिरिजअन्तर्गत घरेलु टोली नेदरल्यान्ड्सले आयरल्यान्डसँग पराजय भोगेको छ ।

शुक्रबार राति सम्पन्न खेलमा आयरल्यान्डले नेदरल्यान्ड्सलाई ३ रनले पराजित गरेको हो ।

---

जितका लागि १ सय ६२ रनको लक्ष्य पछ्याएको नेदरल्यान्ड्सले निर्धारित २० ओभरमा ५ विकेट गुमाएर १ सय ५८ रनमात्र बनाउन सक्यो ।

नेदरल्यान्ड्सका लाग म्याक्स ओ'दाउदले ६० रन जोड्दा माइकल लेभिटले ३९ रन बनाए । आयरल्यान्डका मार्क अडायर र क्रेग योंगले समान २-२ विकेट हात पार्दा गारेथ डिलानीले १ विकेट लिए ।

यसअघि टस हारेर पहिले ब्याटिङ गरेको आयरल्यान्डले ६ विकेट गुमाउँदै १ सय ६१ रन बनायो । आयरल्यान्डका लागि जर्ज डकरेलले ५३ रन, कर्टिस क्याम्फरले ३७ तथा कप्तान पल स्टिरलिङले ३६ रन बनाए ।

नेदरल्यान्ड्सका लागि लोगान भान विक, पल भान मिकेरेन र बास डी लिडेले समान २-२ विकेट हात पारे ।