'वार्मअप' खेलमा आज नेपाल र क्यानडा भिड्‌दै

काठमाडौँ- आइसीसी टी-२० विश्व कपअघिका 'वार्मअप' खेल आजदेखि शुरु हुँदै छन् । आज नेपालले वार्मअप खेलमा क्यानडाको सामना गर्दैछ ।

अमेरिकाको डल्लासस्थित क्रिकेट मैदानमा हुने यो खेल नेपाली समय अनुसार राति ९:१५ बजेदेखि शुरु हुँदैछ ।

---

नेपाल र क्यानडाबीच अहिलेसम्म एक मात्र टी-२० अन्तर्राष्ट्रिय खेल भएको छ । २०२२ को फेब्रुअरी २१ मा भएको सो खेल नेपालले जितेको थियो ।

आइसीसीको टी-२० वरियतामा नेपाल १७औँ स्थानमा छ भने क्यानडा २३औँ स्थानमा रहेको छ ।    

नेपालले यो खेलपछि मे ३० मा डल्लासमै अमेरिकाविरुद्ध खेल्ने तालिका रहेको छ ।