विश्वकपको 'वार्मअप' खेलमा नामिबियामाथि अस्ट्रेलियाको जित

काठमाडौँ- आईसीसी टी-ट्वान्टी क्रिकेट विश्वकपअघिको 'वार्मअप' खेलमा अस्ट्रेलियाले नामिबियामाथि जित हात पारेको छ ।

वेस्ट इन्डिजमा मंगलबार राति सम्पन्न खेलमा अस्ट्रेलियाले नामिबियालाई ७ विकेटले पराजित गरेको हो ।

---

जितका लागि १ सय २० रनको लक्ष्य अस्ट्रेलियाले १० ओभरमा ३ विकेट गुमाएर पूरा गर्‍यो । अस्ट्रेलियाको जितमा डेभिड वार्नरले ५४ रन तथा टिम डेभिडले २३ रन जोडे ।

नामिबियाका लागि बर्नार्ड स्कोल्जले २ विकेट हात पारे ।

यसअघि टस हारेर पहिले ब्याटिङ गरेको नामिबियाले निर्धारित २० ‌ओभरमा ९ विकेट गुमाएर १ सय १९ रन जोड्यो । नामिबियाका लागि जाने ग्रिनले सर्वाधिक ३८ रन बनाए ।

अस्ट्रेलियाका लागि एडम जाम्पाले ३ विकेट तथा जोश ह्याजलउडले २ विकेट हात पारे ।