क्रिकेट विश्वकपः आज राति वेस्ट इन्डिजले पीएनजीविरुद्ध खेल्दै

काठमाडौँ- अमेरिका र वेस्ट इन्डिजमा आजबाट सुरु भएको आईसीसी पुरुष टी-ट्वान्टी क्रिकेट विश्वकपअन्तर्गत सह-आयोजक वेस्ट इन्डिजले आज राति पपुवा न्यूगिनी (पीएनजी) को सामना गर्दैछ ।

समूह 'सी' मा रहेका वेस्ट इन्डिज र पीएनजीबीचको खेल गुयानास्थित गुयाना नेसनल स्टेडियममा नेपाली समयअनुसार राति ८:१५ बजेबाट सुरु हुने तालिका रहेको छ ।

---

यस समूहमा अफगानिस्तान, न्यूजिल्यान्ड र युगान्डा पनि रहेका छन् ।

विश्वकपअन्तर्गत नै आज बिहान भएको खेलमा अमेरिकाले क्यानाडामाथि ७ विकेटको शानदार जित हात पारेको थियो ।