टी-ट्वान्टी विश्वकपः श्रीलंकालाई हराउँदै बंगलादेशको विजयी सुरुवात

काठमाडौँ- अमेरिका र वेस्ट इन्डिजमा जारी आईसीसी पुरुष टी-ट्वान्टी क्रिकेट विश्वकपमा बंगलादेशले विजयी सुरुवात गरेको छ ।

समूह 'डी' अन्तर्गत अमेरिकामा आज भएको खेलमा बंगलादेशले श्रीलंकालाई २ विकेटले पराजित गर्दै बंगलादेशले विजयी सुरुवात गरेको हो । श्रीलंकाको भने यो लगातार दोस्रो पराजय हो ।

---

आजको खेलमा श्रीलंकाले दिएको १ सय २५ रनको सामान्य लक्ष्य बंगलादेशले १० ओभरमा ८ विकेट गुमाएर पूरा गर्‍यो । बंगलादेशको जितमा टाउहिड हृदोयले ४० रन तथा लिटोन दासले ३६ रन बनाए ।

श्रीलंकाका लागि नुवान थुसाराले सर्वाधिक ४ विकेट हात पारेपनि टिमलाई जित दिलाउन सकेनन् ।

यसअघि टस हारेर पहिले ब्याटिङ गरेको श्रीलंकाले निर्धारित २० ओभरमा ९ विकेट गुमाएर १ सय २४ रन बनाउँदा पाथुम निसांकाले सर्वाधिक ४७ रन बनाए ।

बंगलादेशका लागि रिशद होसेन र मुस्ताफिजुर रहमानले समान ३-३ विकेट हात पारे ।