टी-२० विश्वकपः न्यूजिल्यान्डलाई हराउँदै वेस्ट इन्डिज सुपर ८ मा

काठमाडौँ- सह-आयोजक वेस्ट इन्डिज आईसीसी पुरुष टी-ट्वान्टी क्रिकेट विश्वकपको सुपर ८ मा प्रवेश गरेको छ ।

समूह 'सी' अन्तर्गत आज बिहान भएको खेलमा न्यूजिल्यान्डलाई १३ रनले पराजित गर्दै वेस्ट इन्डिज अघिल्लो चरणमा प्रवेश गरेको हो ।

---

वेस्ट इन्डिजले खेलेका ३ वटै खेलमा जित हात पारेको छ । यता न्यूजिल्यान्डले भने खेलेका दुवै खेलमा पराजय भोगेको छ ।

आजको खेलमा १ सय ५० रनको लक्ष्य पछ्याएको न्यूजिल्यान्डले निर्धारित २० ओभरमा ९ विकेट गुमाएर १ सय ३६ रनमात्र बनाउन सक्यो ।

न्यूजिल्यान्डका लागि ग्लेन फिलिप्सले सर्वाधिक ४० रन बनाए । वेस्ट इन्डिजका अल्जारी जोशेफले ४ तथा गुडाकेस मोटीले ३ विकेट लिए ।

यसअघि टस हारेर पहिले ब्याटिङ गरेको वेस्ट इन्डिजले ९ विकेटको क्षतिमा १ सय ४९ रन बनायो । वेस्ट इन्डिजका लागि शेरफाने रुथरफोर्डले ६८ रनको योगदान गरे । न्यूजिल्यान्डका लागि ट्रेन्ट बोल्टले सर्वाधिक ३ विकेट हात पारे ।