दक्षिण अफ्रिकाका रबाडा टेस्टको बलिङ वरीयतामा शीर्ष स्थानमा

काठमाडौँ - दक्षिण अफ्रिकाका तीब्र गतिका बलर कागीसो रबाडा टेस्ट क्रिकेटको बलिङ वरीयतामा शीर्ष स्थानमा उक्लिएका छन् ।

आइसीसीले बुधबार जारी गरेको नयाँ वरीयतामा रबाडाले भारतका जसप्रित बुमराहलाई पछि पार्दै शीर्ष स्थानमा उक्लिएका हुन् । उनी यसअघि तेस्रो स्थानमा थिए ।

---

यस अघि २०१८ मा पनि शीर्ष स्थानमा रहेपनि त्यसपछि लगातार पछाडि परिरहेका थिए । उनले पछिल्ला दिनमा टेस्ट क्रिकेटमा गरेको उत्कृष्ट प्रदर्शनका कारण शीर्ष स्थानमा फेरी उक्लिएका छन् ।

त्यसैगरि अस्ट्रेलियाका जोश हजेलवूड टेस्ट बलरको वरीयतामा दोस्रो स्थानमा रहेका छन् । उनले आफ्नो एक स्थान सुधार गर्दै दोस्रो स्थानमा उक्लिएका हुन् ।

त्यस्तै यसअघि शीर्ष स्थानमा रहेका भारतका बुमराह भने तेस्रो स्थानमा झरेका छन् । त्यस्तै चौथो स्थानमा पनि भारतकै आर आश्विन रहेका छन् ।
त्यसैगरी पाँचौं स्थानमा अस्ट्रेलियाका पाट कमिन्स रहेका छन् ।