शिखर धवनको एक रनलाई कर्णाली याक्सले तिर्नुपर्‍यो २ लाख ९० हजार

काठमाडौँ- जारी नेपाल प्रिमियर लिग (एनपीएल)मा कर्णाली याक्स र जनकपुर बोल्ट्स भिडिरहेका छन् । टीयू क्रिकेट ग्राउन्डमा जनकपुर बोल्टस्‌विरुद्ध कर्णाली याक्सका कप्तान सोमपाल कामीले टस जितेर पहिले ब्याटिङको निर्णय गरेका हुन् ।

कर्णाली याक्सका ओपनर शिखर धवन १४ बलमा १४ रन बनाएर आउट भएका छन् ।

---

भारतका चर्चित क्रिकेटर धवनलाई प्रत्येक खेलबापत ३० हजार डलर पाउने गरी कर्णाली याक्सले भित्र्याएको हो । आज जनकपुर बोल्टस्‌विरुद्ध खेल्दा धवन १४ रन बनाएर आउट भए । यो रन उनले पाउने पारिश्रमिकसँग हिसाब गर्ने हो भने एक रन बराबर २१४२.१४ डलर पर्छ ।

आजको डलर भाउ एकको बिक्रीदर १३५.८६ रूपैयाँ छ । आजको डलर भाउमा हिसाब गर्ने हो २१४२.१४ डलरको २ लाख ९० हजार ३ सय १४ रूपैयाँ ८६ पैसा हुन्छ ।

धवनले कर्णाली याक्सबाट ४ खेल खेल्नेछन् ।