दीपेन्द्रको अर्धशतकमा सुदूरपश्चिमले विराटनगरलाई दियो १८३ रनको लक्ष्य

काठमाडौँ- नेपाल प्रिमियर लिग (एनपीएल)मा  सुदूरपश्चिम रोयल्सले विराटनगर किंस्‌लाई १८३ रनको लक्ष्य दिएको छ ।

मंगलबार बिहान कीर्तिपुस्थित टीयु ग्राउण्डमा भएको खेलमा टस जितेको विराटनगरले फिल्डिङ रोजेपछि सुदूरपश्चिम रोयल्सले विराटनगर किंस्‌लाई १८३ रनको लक्ष्य दिएको हो । सुदूरपश्चिम रोयल्सले ७ विकेटको क्षतिमा १८२ रन जोड्‌यो । 

---

सुदूरपश्चिम रोयल्सका कप्तान दीपेन्द्रसिंह ऐरीले २४ बलमा नटआउट ५७ रन जोडेका छन् ।

ओपनर विनोद भण्डारीले २० बलमा २३ रन जोडे । आरिफ शेख ९ रनमा आउट भए ।

साइफ जइबले १५ बलमा १४ रन प्रहार गरेका छन् । ब्रान्डन मक्मलेनले २६ बलमा ३६ रन बनाए ।

इशान पाण्डेले १६ बलमा २१ रन जोडेका छन् । स्कट कुगेलेइनले ६ बलमा १० रन जोडे । वसन्त खत्रीले नटआउट ४ रन जोडेका छन् ।