काठमाडौँ- नेपाल प्रिमियर लिग (एनपीएल)मा आजको खेलमा कर्णाली याक्सले जित निकालेको छ । शुक्रबार टीयू अन्तर्राष्ट्रिय मैदान कीर्तिपुरमा चितवन राइनोजलाई हराउँदै जित निकालेको हो । एनपीएलमा ​पहिलो जित निकालेको कर्णाली याक्सले चितवन राइनोजलाई ६ विकेटले पराजित गरेको हो ।

चितवन राइनोजले कर्णाली याक्सलाई निर्धारित २० ओभरमा ७ विकेटको क्षतिमा १३० रन बनाएको थियो । तर निर्धारित १९.५ ओभरमा कर्णाली याक्सले ४ विकेटको क्षतिमा १३२ रन बनायो ।

---

यसअघि जनकपुर बोल्टससँग ८ विकेटले र काठमाडौँ गुर्खाजसँग तीन विकेटले कर्णाली याक्स ​पराजित भएको थियो ।