काठमाडौँ- नेपाल प्रिमियर लिग (एनपीएल) मा  जनकपुर बोल्ट्सले टस जितेर बलिङ रोजेको छ । बुधबार बिहान कीर्तिपुरस्थित त्रिवि मैदानमा टस जितेको जनकपुरले बलिङ रोजेर सुदूरपश्चिमलाई पहिले ब्याटिङको निम्तो दिएको छ ।

आज हुने पहिलो खेलमा जनकपुरबाट अनिल शाहले नेतृत्व गर्नेछन् भने सुदूरपश्चिम रोयल्सबाट दिपेन्द्रसिंह ऐरीले नेतृत्व गर्नेछन् । 

---

जनकपुरले चार खेलमध्ये चार वटैमा जित निकाल्दै ६ अंकसहित तालिकाको शीर्ष स्थानमा छ । 

त्यस्तै चार खेलमध्ये तीन खेलमा जित निकालेको सुदूरपश्चिम ६ अंकसहित तालिकाको दोस्रो स्थानमा छ । 

एनपीएल अघिल्लो शुक्रवारबाट सुरू भएको थियो । एनपीएलको विजेता टोलीले १ करोड ११ लाख रुपैयाँ पाउने भएको छ । एनपीएलको उद्घाटन कार्यक्रममा विजेता टोलीले १ करोड ११ लाख रुपैयाँ पाउनेछन् भने  प्रतियोगिताको उपविजेताले ५० लाख, तेस्रो हुने टिमले ३० लाख र चौथो हुने टिमले २० लाख रुपैयाँ पाउने आयोजकले जनाएको छ। 

जनकपुर बोल्ट्स
आसिफ शेख – मार्की, ललित राजवंशी, अनिलकुमार साह, रुपेश सिंह, किशोर महतो, आकाश त्रिपाठी, शुभ कंसाकर, शेर मल्ल, हेमन्त धामी, अरनिको प्रसाद यादव, तुलबहादुर थापा मगर, जिमी निशम (न्युजिल्यान्ड), जोशुआ ट्रम्प (अमेरिका), बेन माइक (इंग्ल्यान्ड), मोहमद मोहसिन (पाकिस्तान), लाहिरू मिलन्था (अमेरिका), हर्ष थाकर (क्यानडा)।

सुदूरपश्चिम रोयल्स
दीपेन्द्रसिंह ऐरी – मार्की, आरिफ शेख, अभिनास बोहरा, विनोद भण्डारी, इशान पाण्डे, अर्जुन कुमाल, खडकबहादुर बोहरा, नरेश बुढायर, भोजराज भट्ट, अमित श्रेष्ठ, नरेन साउद, ब्रान्डन मक्मलेन (स्कटल्यान्ड), सेफ अलि जेब (इंग्ल्यान्ड), स्कट कुगेलेइन (न्युजिल्यान्ड), रोहन मुस्तफा (युएई), बसन्त खत्री (आइकोनिक)।