काठमाडौँ- नेपाल प्रिमियर लिग (एनपीएल) मा  सुदूरपश्चिम रोयल्सले जनकपुर बोल्ट्सविरूद्ध शानदार जित निकालेको छ । बुधबार बिहान कीर्तिपुरस्थित त्रिवि मैदानमा टस जितेको बलिङ रोजेको जनकपुरलाई सुदूरपश्चिमले ७२ रनको जित निकालेको हो ।

यसअघिका चार खेलमध्ये चार वटामा जित निकाल्दै ६ अंकसहित तालिकाको शीर्ष स्थानमा रहेको जनकपुरको आजको खेल भने लज्जास्पद रहेको छ । १२४ रनको लक्ष्य पछ्याएको जनकपुर १२.१ ओभरमा ५१ रनमै अलआउट भयो ।

---

जनकपुरका लागि जोसुअ ट्रोम्पले सर्वाधिक १३ रन बनाए । सुदूरपश्चिमका हर्मित सिंह, दीपेन्द्र सिंह ऐरी र इशान पाण्डेले २-२ विकेट लिएका छन् । स्कट कुगुलेइनेल, सैफ जैब र नरेन साउदले समान १ विकेट लिए ।

त्यस्तै सुदूरपश्चिमका लागि विनोद भण्डारीले सर्वाधिक ३३ रन, सैफ जैबले २१, इशान पाण्डेले १७ र ब्राण्डन म्याकमुलेनले ११ रन बनाए । 

सुदूरपश्चिमका कप्तान दीपेन्द्र सिंह ऐरीले भने एक रन पनि बनाउन सकेनन् । नरेश बुढाएर ९, आरिफ शेख ६, स्कट कुगेलेइन ७ र नरेन साउद ३ रन बनाए । 

जनकपुरका लागि किशोर महतोले सर्वाधिक ४ विकेट लिए । त्यसैगरी शेर मल्लले र अरनिको यादवले २-२ विकेट लिए ।