प्रधानमन्त्री ओलीले दिए एनपिएल विजेता जनकपुर बोल्ट्सलाई बधाई

काठमाडौं - प्रधानमन्त्री केपी शर्मा ओलीले एनपिएल क्रिकेट प्रतियोगिताको उपाधि विजेता जनकपुर बोल्ट्सलाई बधाई दिएका छन् । 

 त्रिभुवन विश्वविद्यालयको क्रिकेट मैदानमा आज सम्पन्न भएको फाइनल खेलमा जनकपुर बोल्ट्सले जीत हासिल गरे लगत्तै प्रधानमन्त्री ओलीले बधाई दिएका हुन् । 

---

‘बधाई जनकपुर बोल्ट्स्, एनपिएल उपाधि हात पारेकोमा । आजको खेलमा सुदूरपश्चिम रोयल्सको पनि राम्रो प्रदर्शन थियो । यससँगै नेपाली क्रिकेटको महापर्व आज सम्पन्न भएको छ’, ओलीले सामाजिक सञ्जाल फेसबुकमा लेखेका छन ।

ओलीले एनपिएलमा सहभागी सबै टिम र आयोजक तथा व्यवस्थापक सबैलाई धन्यवाद समेत दिएका छन् ।  

शनिबार टीयु क्रिकेट मैदानमा सम्पन्न खेलमा सुदूरपश्चिमलाई ५ विकेटले हराउँदै जनकपुरले एनपिएलको उपाधि जितेको थियो ।