अष्ट्रेलिया र वेष्ट इण्डिजको खेल वर्षाले प्रभावित

काठमाडौँ : अष्ट्रेलिया र वेष्ट इण्डिजबीचको चौथो टी-ट्वान्टी खेल वर्षाले प्रभावित भएको छ । आइसेलेटमा टस जितेर अष्ट्रेलियाले पहिले ब्याटिङ गर्दै ९ ओभरमा १ विकेट गुमाएर ९६ रन बनाउँदा पानी परेपछि खेल रोकिएको हो ।

अष्ट्रेलियाका लागि विष्फोटक ब्याटिङ गरेका मिचेल मार्सले अर्धशतक पूरा गरेका छन् । उनले ५६ रन बनाएका छन् । यस्तै कप्तान आरोन फिन्चले २६ रन बनाएर खेलिरहेका छन् । वर्षाले रोकिएको खेल केहीबेरमा फेरि सुरु भएको छ ।

---

पाँच खेलको टी-ट्वान्टी श्रृंखला वेष्ट इण्डिजले यसअघि नै ३-० ले जितिसकेको छ ।