भारतसँगको टी-ट्वान्टी श्रृङ्खला श्रीलंकाले जित्यो

काठमाडौँ : भारतसँगको तीन खेलको टी-ट्वान्टी श्रृङ्खला श्रीलंकाले जितेको छ । गएराती सम्पन्न तेस्रो तथा अन्तिम टी-ट्वान्टीमा ७ विकेटको जित हात पारेसँगै श्रीलंकाले तीन खेलको श्रृङ्खला २-१ ले जितेको हो ।

यसअघि पहिलो खेल भारतले र दोस्रो खेल श्रीलंकाले जितेको थियो । तर अन्तिम टी-ट्वान्टीमा श्रीलंकाले भारतलाई ८१ रनमा रोक्न् सफल भयो । ८२ रनको झिनो लक्ष्य श्रीलंकाले १४ ओभर ३ बलमा ३ विकेट गुमाएर पूरा गरेसँगै श्रीलंकाले श्रृङ्खला नै आफ्नो पक्षमा पारेको हो ।

---