भारत भर्सेज इंग्ल्यान्ड : पहिलो टेस्टको अन्तिम दिन वर्षा

काठमाडौँ : भारत र इंग्ल्यान्डबीचको पहिलो टेस्टको अन्तिम दिन वर्षा बाधक बनेको छ । भारतले पहिलो टेस्ट जित्न २०९ रनको लक्ष्य पछ्याइरहेका बेला पाँचौ दिनको खेल सुरु नहुँदै वर्षा बाधक बनेको हाे ।

इंग्ल्यान्डलाई दोस्रो पालीमा ३०३ रनमा अलआउट गरेपछि २०९ रनको लक्ष्य पाएको भारतले चौथो दिनको खेल सकिदा १ विकेट गुमाएर ५२ रन बनाएको थियो । पाँचौ दिन टेस्ट जित्ने उद्धेश्यका साथ मैदान उत्रिने तयारीमा रहेका भारतीय ब्याट्सम्यान पानी परेपछि पेभेलियनमा थन्किएका छन् ।

---

पहिलो पालीमा इंग्ल्यान्डले १८३ रन बनाउँदा भारतले २७८ रन बनाएको थियो । पहिलो पालीमा ९८ रनको अग्रता बनाएको भारतले इंग्ल्यान्डलाई ३०३ रनमा अलआउट गरेको थियो । कप्तान जोय रुटले शतक बनाएपछि सम्हालिएको इंग्ल्यान्डलाई जित निकाल्न पाँचौ तथा अन्तिम दिन भारतको ९ विकेट पतन गराउनुपर्नेछ ।