राहुलको शतक, भारतको मध्यम प्रदर्शन

काठमाडौँ - इंग्ल्यान्डविरुद्धको दोस्रो टेस्ट क्रिकेटमा भारतले मध्यम प्रदर्शन गरेको छ । लर्ड्समा टस हारेर पहिले ब्याटिङ थालेको भारतले दोस्रो दिनको पहिलो सेसनको खेल चलिरहदा ७ विकेट गुमाएर ३३७ रन बनाएको छ ।

उसका लागि ओपनर ब्याट्सम्यान केएल राहुलले शतक प्रहार गरेका छन् । २५० बलको सामना गरेका उनले १२ चौका र १ छक्का प्रहार गरे । यस्तै अर्का ओपनर रोहित शर्माले ८३ रन बनाए । कप्तान विराट कोहलीले ४२ र विकेटकिपर ब्याट्सम्यान रिषभ पन्तले ३७ रन बनाए ।

---

इंग्ल्यान्डका जेम्स एन्डरसनले तीन र ओली रविन्सनले दुई विकेट लिए । यसअघि पहिलो टेस्ट वर्षाले प्रभावित हुँदा बराबरीमा सकिएको थियो ।