श्रीलंकाविरुद्ध अष्ट्रेलिया विजयी

काठमाडौँ : श्रीलङ्ककासँगको पहिलो टी–२० क्रिकेटमा अस्ट्रेलिया विजयी भएको छ । श्रीलंकालाई अष्ट्रेलियाले २० रनले हराएको हो । वर्षाले प्रभावित खेल १९ ओभरमा छोट्याइएको थियो ।

पहिले ब्याटिङ गरेको अष्ट्रेलियाले ९ विकेट गुमाएर १४९ रन बनाएको थियो । पानी परेपछि नयाँ पाएको १४३ रनको लक्ष्य पछ्याएको श्रीलंका निर्धारित १९ ओभरमा ८ विकेट गुमाएर १२२ रनमा सीमित भयो ।

---

श्रीलंकाका लागि पथुम निसान्काले ३६ रन बनाए । अस्ट्रेलियाका जोशहेजेल्वुडले चार र एडम जम्पाले तीन विकेट लिए । जितसँगै अष्ट्रेलियाले पाँच खेलको श्रृङ्खलामा १–० को अग्रता लिएको छ ।