नेपाल जित नजिक, ऐरीको अर्धशतक पूरा

काठमाडौँ : चारदेशीय टी–ट्वान्टी क्रिकेट श्रृङ्खलामा ओमानविरुद्ध १३६ रनको लक्ष्य पछ्याएको नेपालले जितको आधार तयार पारेको छ । दीपेन्द्रसिंह ऐरीले अर्धशतक पूरा गरेपछि नेपाल जितको नजिक पुगेको हो । ऐरीले ५० बलमा ६ चौका र १ छक्का हानेर ६३ रन बनाएका छन् ।

नेपालले खराब सुरुवात गर्दा ऐरीले नेपाललाई जित नजिक पुर्याएका हुन् । नेपाललाई अन्तिम ओभरमा ९ रनको आवश्यकता छ । क्रिजमा ऐरी र शरद भेषावाकर छन् । यसअघि पहिले ब्याटिङ गरेको ओमानले निर्धारित २० ओभरमा ६ विकेट गुमाएर १३५ रन बनाएको हो । 
 

---