एभरेस्ट एकेडेमीको दोस्राे जित

धनगढी – धनगढी मेयर लिटल फ्लावर प्रिमियर लिग विद्यालय स्तरीय अन्डर-१९ क्रिकेट प्रतियोगिताअन्तर्गत तेस्राे दिन सम्पन्न पहिलो खेलमा एभरेस्ट एकेडेमी अत्तरियाले दोस्राे जित दर्ता गर्ने क्रममा सैनिक आवासीय मावि अत्तरियालाई ६ विकेटले पराजित गरेको छ। 

धनगढीस्थित संघीय प्रहरीको खेल मैदानमा सम्पन्न खेलमा सैनिक आवासीय माविले दिएको १०४ रनको लक्ष्य एभरेस्ट एकेडेमीले १६ ओभरमा ४ विकेट क्षतिमा भेटायो। एभरेस्ट एकेडेमीको लागि रितिक थापाले सर्वाधिक ४२ रन बनाए जुन क्रममा ३६ बलमा तीन चौका र एक छक्का प्रहार गरे । यस्तै कृष ऐरले अविजित २९ रन बनाए ।

---

रितीक र कृषले पाँचौँ विकेटको लागि अविजित ६० रनको साझेदारी गरे । सैनिक आवासीयका बलर आकाश चन्दले दुई तथा खड्क बोहरा र गौतम केसीले समान एक एक विकेट लिए । 

यसअघि टस जितेर ब्याटिङ गरेको सैनिक आवासीयले निर्धारित २० ओभरमा नाै विकेट क्षतिमा १०३ रन बनाएको थियो । उसको लागि गौतम केसीले सर्वाधिक ३१ तथा सगर चन्दले २१ रन बनाए ।

एभरेस्ट एकेडेमीका बलर गोविन्द बिस्टले सर्वाधिक तीन विकेट, धर्म जोशी र दिपक रोकायाले समान दुई दुई विकेट र कृष ऐरले एक विकेट लिए।खेलको प्लेयर अफ द म्याच गोविन्द बिस्ट घोषित भए।