भारतीय टेस्ट टिमको कप्तानमा रोहित शर्मा

काठमाडौँ : विराट कोहलीले राजीनामा दिएपछि रिक्त भारतीय टेस्ट टिमको कप्तानमा रोहित शर्मा नियुक्त भएका छन् । बीसीसीआईले बुधबार रोहितलाई टेस्ट टिमको कप्तानमा नियुक्त गरेको हो । यससँगै रोहित भारतीय क्रिकेट टिमको कप्तानमा नियुक्त भएका छन् ।

यसअघि बीसीसीआईले रोहितलाई टी–ट्वान्टी र एकदिवसीय क्रिकेट टिमको कप्तानमा नियुक्त गरिसकेको छ । कोहलीले टी-ट्वान्टी क्रिकेट टिमको कप्तानीबाट राजीनामा दिएका थिए । पछि उनलाई एकदिवसीय टिमको कप्तानीबाट हटाएर रोहितलाई ‘ह्वाइट बल टिम’को कप्तानी बनाइएको थियो ।

---

दक्षिण अफ्रिका भ्रमणमा भारतले टेस्ट सिरिज गुमाएपछि कोहलीले टेस्ट टिमको कप्तानीबाट अचानक राजीनामा दिएका थिए । बीसीसीआईले रिक्त टेस्ट टिमको कप्तानी रोहितलाई नै सुम्पेको हो । राहुल द्रविड प्रशिक्षक बनेपछि तीन वटै संरचनाको कप्तानबाट कोहली बाहिरिएका छन् भने रोहितलाई कप्तानको जिम्मेवारी दिइएको छ ।