युएईविरुद्ध पहिले बलिङ गर्दै नेपाल

काठमाडौं - आईसीसी पुरुष टी–ट्वान्टी विश्वकप ग्लोबल छनोट अन्तर्गत सेमिफाइनलमा नेपालले युएईविरुद्ध बलिङ गर्ने भएको छ । युएईले टस जितेर ब्याटिङ गर्ने निर्णय गरेपछि नेपालले बलिङ गर्ने भएको हो ।

ओमानको अल अमेरात क्रिकेट मैदानमा जारी प्रतियोगितामा विश्वकपमा छनोट हुन नेपालले जित्नैपर्नेछ । अष्ट्रेलियामा यसै वर्ष हुने आईसीसी टी–ट्वान्टी विश्वकपमा स्थान बनाउने नेपालले आजको खेल जित्नै पर्ने भएको हो ।

---

ग्लोबल छनोट खेलिरहेको नेपालले समूह चरणका तीनवटै खेल जितेर अन्तिम चारमा प्रवेश गरेको थियो । ग्लोबल छनोटबाट फाइनलमा पुग्ने दुई टोली विश्वकपका लागि छनोट हुनेछन्।