नेपाललाई दोस्रोपटक विश्वकप खेल्न १७६ रनको लक्ष्य

काठमाडौँ : आइसीसी टी–ट्वान्टी विश्वकप छनौटमा युएईविरुद्धको सेमिफाइनल जित्न नेपालले १७६ रनको लक्ष्य पाएको छ । ओमानमा टस जितेर पहिले ब्याटिङ गरेको युएईले निर्धारित २० ओभरमा ७ विकेट गुमाउँदै १७५ रन बनाएको हो ।

उसका लागि मोहम्मद वसिमले ७० रन बनाए भने भिर्त्य अरविन्दले ४६ रन बनाए । नेपालका जितेन्द्र मुखिया र अविनाश बोहराले समान तीन–तीन विकेट लिए । नेपालले अब दोस्रोपटक विश्वकप खेल्न १७६ रनको लक्ष्य भेट्टाउनुपर्नेछ । आजको खेल जित्‍ने टिम विश्वकपका लागि छनौट हुनेछ । 

---