पीएनजीको लगातार दोस्रो हार

काठमाडौं । त्रिवि क्रिकेट मैदानमा जारी त्रिकोणात्मक टी–ट्वान्टी क्रिकेट सिरिजमा मलेसियाले पपुवा न्यूगिनी पीएजनीमाथि जित हात पारेको छ ।

मलेसियाले पीएनजीलाई ८ रनले पराजित गरेको हो ।

---

जितका लागि १ सय ८१ रनको लक्ष्य पछ्याएको पीएनजी १९ ओभर ३ बलमा अलआउट हुदै १ सय ७२ रन मात्र जोड्न सक्यो । पीएनजीका लागि टोनी उराले सर्वाधिक ५६ रन जोडे । नोरमन भानुआले ४५ रनको योगदान गरे।

मलेसियाको जितमा सरविन मुनिएन्डीले सर्वाधिक ४ विकेट हात पारे । मुहमद वाफिक र पवनदिप सिंहले समान तीन–तीन विकेट हात पारे ।

यस अघि टस जितेर पहिले ब्याटिङ गरेको मलेसियाले निर्धारित २० ओभरमा मात्र ३ विकेट गुमाएर १ सय ८० रन जोडेको थियो ।

मलेसियाका लागि विरनदिप सिंहले अविजित ५९ रनको योगदान गरे । कप्तान अहमद फैज ५६ रन तथा सयद अजिज ४७ रनमा आउट भए । पीएनजीका नोरमन भानुआले २ तथा नोसाना पोकानाले १ विकेट हात पारे ।

यस अघि पहिलो खेलमा पीएनजी नेपालसँग १५ रनले पराजित भएको थियो ।

मलेसियाले बुधबार नेपालविरुद्ध खेल्नेछ ।