लागु औषधसहित एक जना पक्राउ

मकवानपुर - मकवानपुरको हेटौंडा राप्ती रोडबाट प्रहरीले ५० किलो ४ सय ग्राम लागुऔषध गाँजा र अटोसहित १ जनालाई पक्राउ गरेको छ । 

प्रहरीले हेटौंडा उपमहानगरपालिका वडा नम्बर–१ राप्तीरोड बाट गाँजा सहित एक जनालाई पक्राउ गरेको हो । हेटौंडा ३ नेवारपानीबाट हेटौडा तर्फ आउँदै गरेको ना २ ह १५०८ नम्बरको अटोलाई जाँच गर्दा उक्त अटोमा लुकाई ल्याएको लागुऔषध गाँजा ५० किलो ४ सय ग्राम फेला पारिएको जिल्ला प्रहरी कार्यालय मकवानपुरका प्रहरी नायब उपरीक्षक टेक बहादुर कार्कीले बताए। 

---

गाँजासँगै अटो चालक भारत बिहार सितामढी जिल्ला ग्राम पञ्चायत नोचा वडा नम्बर–१० थाना बेला घर भई हाल महोत्तरी जिल्लाको औरही नगरपालिका वडा नम्बर– ७ सोनामाई बस्ने ३७ वर्षीय राजेश चौधरीलाई नियन्त्रणमा लिई थप अनुसन्धान कार्य भई रहेको उनले बताए ।