कारको सिटमुनी फल्सबटम, पाँच हजार थान लागूऔषध बरामद

पर्सा । कारको सिटमुनी बनाइएको फल्सबटमबाट ठूलो मात्रामा ओसारपसार गनृ लागिएको लागूऔषध बरामद गरिएको छ । पर्सा प्रहरीले बी आर ०७ वाई ८२०१ नम्बरको सुजुकी मारूती अल्टो कारबाट लागूऔषध बरामद गरेको हो ।

पर्सा प्रहरीकाअनुसार कारको सिटमुनी फल्सबटम बनाई लुकाईछिपाई ओसारपसार गर्दै गरिएको अवस्थामा लागूऔषध बरामद गरेको जनाएको छ । लागूऔषधसहित एक पक्राउ परेका छन् ।

---

वीरगञ्ज महानगरपालिका वडा नं.१६ रजतजयन्ती चोकस्थित सडकखण्डमा विशेष सूचनाको आधारमा जाँच गर्दा प्रहरीले वीरगञ्जका अनिल कुमारलाई पक्राउ गरेको जनाएको छ । कारबाट लागूऔषध फेनारगन ८८६ एम्पुल, डाइजेपाम ११५५ एम्पुल र नुरफिन ९७८ एम्पुल गरी जम्मा ३०१९ एम्पुल तथा नाईट्राभेट १७८५ ट्याब्लेट फेला परेको हो ।

सो लागूऔषध कारको सिटमुनी फल्स बटम बनाई कागजले बेरी राखेको अवस्थामा फेला परेको जिल्ला प्रहरी कार्यालय पर्साले जनाएको छ ।