सुर्खेतमा लागूऔषधसहित एकजना पक्राउ

सुर्खेत- लागूऔषधसहित सुर्खेत प्रहरीले एकजनालाई पक्राउ गरेको छ । वीरेन्द्रनगर वडा नम्वर १२ चनौटे  बस्ने ३४ वर्षीय जीवन सोमैलाई प्रहरीले पक्राउ गरेको हो ।

लागूऔषधको कारोवार भइरहेको गोप्य सूचनाका आधारमा सोमैलाई पक्राउ गरिएको जिल्ला प्रहरी कार्यालय सुर्खेतले जनाएको छ । लागूऔषध नियन्त्रण ब्यूरो शाखा सुर्खेत र जिल्ला प्रहरी कार्यालय सुर्खेतबाट सादा पोसाकमा खटिएका संयुक्त प्रहरी टोलीले सोमैलाई पक्राउ गरेको हो । सोमै बस्ने कोठा खानतलासी गर्दा उनको कोठाबाट ४३०  मिलिग्राम लागूऔषध ब्राउन सुगर जस्तो देखिने धुलो पदार्थ फेला पारेको जिल्ला प्रहरी कार्यालय सुर्खेतका प्रहरी नायव उपरीक्षक सुरज कार्कीले जानकारी दिए ।

---

उक्त लागूऔषध बरामद गरी सोमैलाई नियन्त्रणमा लिई अनुसन्धान भइरहेको प्रहरी नायव उपरीक्षक कार्कीले बताए ।