महिलाले बाेकेकाे झाेलामा करिब २८ किलाे चरेस

काठमाडौं – अवैध लागू औषधसहित तीन महिलाहरूलाई प्रहरीले पक्राउ गरेको छ । जिल्ला प्रहरी कार्यालय पर्साले मकवानपुर जिल्ला मनहरी गाँउपालीका–८ की ४२ वर्षीया कल्पना मोक्तान, ३६ वर्षीया कवितामाया बल र २३ वर्षीया रीता विश्वकर्मालाई पक्राउ गरेको हो ।

उनीहरूलाई पर्सा जिल्ला पर्सागढी नगरपालिका–२ बागवानास्थित सडकखण्डबाट पक्राउ गरिएको प्रहरी नायव उपरीक्षक दिपक गिरीले जानकारी दिए । 

---

बुधबार साँझ ७ः३० बजे प्रहरी पोष्ट मनवाबाट खटिएको प्रहरी टोलीले जितपुरबाट मनवातर्फ जाँदै गरेको ना. २ ह ३१८६ नम्बरको सार्वजनिक अटोलाई रोकेर जाँच गरेको थियो । जाँच गर्दा ८ के.जी.६९० ग्राम, ५ के.जी.११० ग्राम र १३ के.जी.८०० ग्राम चरेश फेला पारिएको गिरीले बताए । महिलाहरुले बाेकेकाे झाेलामा चरेस फेला परेकाे केसीले बताए ।

उनीहरुमाथि लागूऔषध सम्बन्धी कसूरमा अनुसन्धान भइरहेको प्रहरीले जनाएको छ ।