तीन किशाेरीलाई हाेटलमा लगेर तीन युवकले बलात्कार गरेपछि...

बागलुङ । बागलुङमा एक हाेटलमा लगी तीन किशाेरी बलात्कार गरेकाे अभियाेगमा युवक पक्राउ परेका छन् ।

बागलुङ नगरपालिका-२ समिट चोकस्थित एक होटलमा १६ र १५/१५ वर्षीया तीन जना किशोरीलाई जबरजस्ती करणी गरेको अभियोगमा ३ जनालाई आइतबार साँझ प्रहरीले पक्राउ गरेको हाे ।

---

पक्राउ पर्नेहरुमा बागलुङ गलकोट नगरपालिका-९ घर भएका २३ वर्षीय अशोक दर्लामी, रुपन्देही तिलोत्तमा नगरपालिका घर भएका १९ वर्षीय राहुल थापा र धादिङ कटुथे गाउँपालिका घर भएका १७ वर्षीया किशोर रहेकाे प्रहरीले जनाएकाे छ।

ती किशोरीहरु शनिबार घरबाट कोही कसैलाई नसोधी निस्की हिंडेकोमा फर्की नआएपछि खोजी गरिएकाे थियाे । साे क्रममा उक्त होटलमा फेला परेको भन्ने खबर प्राप्त हुनासाथ जिल्ला प्रहरी कार्यालय बागलुङबाट खटिएको प्रहरीले प्रारम्भिक अनुसन्धानको क्रममा उनीहरूले किशोरीहरुलाई जबरजस्ती करणी गरेको खुल्न आएपश्चात उनीहरुलाई पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।