नेपाल टी-ट्वान्टीमा अनलाईन बेटिङ गराउने पक्राउ

काठमाडौं- कीर्तिपुर नगरपालिका-१०स्थित क्रिकेट खेल मैदानमा एनपिएल टि २० पुरुष राष्ट्रिय क्रिकेट खेलमा अनलाईन बेटिङ मार्फत सट्टाबाजी खेलाउने कार्यमा संलग्न रहेको अभियोगमा प्रहरीले एक भारतीय नागरिकलाई पक्राउ गरेकाे छ । भारत दिल्ली उत्तमनगर घर भई हाल काठमाडौं गौशाला बस्ने ३६ वर्षीय प्रतिक कुमारलाई बुधबार दिउँसो प्रहरीले पक्राउ गरेको छ ।

पुरुष राष्ट्रिय क्रिकेट खेल अन्तर्गत फार वेष्ट युनाइटेड र विराटनगर सुपर किंगस्बीच भएको खेलमा मोबाइल फोनको प्रयोग गरी उनले हार जितको लागि अनलाईन बेटिङ गरेका थिए । साे सूचनाको आधारमा प्रहरी वृत्त कीर्तिपुरबाट खटिएको प्रहरीले उक्त कार्यमा संलग्न कुमारलाई पक्राउ गरेको हो ।

---

यस सम्बन्धमा प्रहरीले थप अनुसन्धान गरिरहेको छ ।