किशोरीको हत्या गरेको अभियोगमा पक्राउ

रौतहटः दुर्गा भगवती गाउँपालिका–४ छतौना टोल बस्‍ने १७ वर्षीया रोबिना मन्सुरीको हत्या अभियोगमा ३३ वर्षीय फुल महम्मदलाई प्रहरीले पक्राउ गरेको छ ।
१९ वर्षीय युवकसँग रोबिनाको प्रेम सम्बन्धको विषयलाई लिएर हत्या भएको प्रहरीले बताएको छ । महम्मद समेत ४ जनाले रोबिनाको हत्या गरी सोही ठाउँका जनरल कवाडीको घरमा शव राखेको खबरका आधारमा प्रहरीले महम्मदलाई पक्राउ गरेको हो । 

जिल्ला प्रहरी कार्यालय रौतहट र ईलाका प्रहरी कार्यालय गंगापिपराबाट खटिएको प्रहरीले महम्मदलाई पक्राउ गरेको छ । उक्त घटनामा संलग्‍न रही फरार रहेका सोही ठाउँका ४३ वर्षीय लाल महम्मद, ५० वर्षीय नसरुदिन मन्सुरी र उनकी श्रीमती ४३ वर्षीया सहनाज मन्सुरी फरार रहेको प्रहरीले जनाएको छन् । उनीहरुलाई प्रहरीले खोजी गरिरहेको छ ।
 

---