बाघको छालासहित दुईजना पक्राउ

कैलाली - सुदूरपश्चिम प्रदेश प्रहरी कार्यालयको (आरआइटी) टोलीले सोमबार बिहान बाघको छालासहित दुई जनालाई पक्राउ गरेको छ । विशेष सुराकीको आधारमा गोदावरी नगरपालिका २ बसपार्कबाट ३ फिट ५ इन्च लम्बाई भएको बाघको छालासहित अछाम चौरपटी गाउपालिका ५ बस्ने वर्ष १८ को सुनिल बोहरा र सोही स्थान बस्ने वर्ष १९ को शुबास बोहरालाई नियन्त्रणमा लिएको प्रहरीले जनाएको छ ।

नियन्त्रणमा लिइएकालाई बन्यजन्तु अखेटाेपहार ओसारपसारको कसुरमा आवश्यक कार्वाहिको लागि इलाका प्रहरी कार्यालय मालाखेतिमा बुझाइएको आइआरटीले जनाएको छ ।

---