कञ्चनपुरमा लागूऔषधसहित दु्ई जना पक्राउ

कञ्चनपुर - कञ्चनपुरमा लागूऔषधसहित दुई जना पक्राउ परेका छन् । इलाका प्रहरी कार्यालय झलारी र रैकवारबाट खटिएको प्रहरी गस्ती टोलीले कृष्णपुर नगरपालिका ७ कलुवापुरका गणेश पाण्डेय र कैलालीको गोदावरी नगरपालिका वडा नम्बर ७ लालपुरका ४० वर्षीय तिर्थ फुलारालाई पक्राउ गरिएको कञ्चनपुरका प्रहरी प्रवक्ता प्रहरी नायब उपरीक्षक प्रकाश डाँगीले बताएका छन् ।

पाण्डेयले चलाएको सु.प.प्र.०१–०११ प.२२४६ नम्बरको मोटरसाइकल र सोही मोटर साइकलमा पछाडि सवार फुलारालाई शंका लागी चेकजाँज गर्दा उनीहरूको साथबाट १.१५ ग्राम लागूऔषध खैरो हिरोईन बरामद गरी नियन्त्रणमा लिएको डाँगीले बताए । उनीहरूलाई नियन्त्रणमा लिई थप अनुसन्धान भइरहेको जनाइएको छ ।

---