अवैध सालको काठसहित दुई जना पक्राउ

लमजुङ - प्रहरीले अवैध सालको काठसहित दुई जनालाई पक्राउ गरेको छ । पक्राउ पर्नेमा मध्यनेपाल नपा–१ का २६ वर्षीय सन्दिप घर्ती र रौतहटको गरुडा नपा– ७ का २६ बर्षिय कामेश्वर पटेल रहेका छन् ।

प्रहरीले अवैध काठ ओसारपोसार हुँदैछ भन्ने सूचनाको आधारमा शनिबार दिउँसो साढे ३ बजे उनीहरूलाई मध्यनेपाल नपा–१ जिताबाट पक्राउ गरेको हो । प्रहरी चौकी सोतीपसल र कुन्छाबाट खटिएको संयुक्त टोलीले ग १ त ५८४७ नम्बरको ट्याक्टर चेकजाँचका क्रममा अवैध काठ ओसारपसार गरेको फेला पारेको हो । 

---

२ लाख ८० हजार रुपैयाँ बराबरको सालको चिरान काठ ५३ क्यूफिट फेला पारी बरामद गरिएको लमजुङका प्रहरी प्रमुख डीएसपी प्रकाश श्रीमलले बताए । उनका अनुसार पक्राउ परेको अवैध काठसहित दुवै जनालाई आवश्यक कारबाही र अनुसन्धानका लागी डिभिजन वन कार्यालय लमजुङलाई बुझाइएको छ ।