लागूऔषधसहित तीन जना पक्राउ

कैलाली । प्रहरीले कैलाली र कञ्चनपुरबाट लागूऔषधसहित तीन जनालाई पक्राउ गरेको छ। कैलालीको लम्कीचुहा नगरपालिका–९ बनबसाबाट लागूऔषधसहित भजनी नगरपालिका–३ धुसिका २२ वर्षीय रन्जित पौडेलसहित दुई जना पक्राउ परेका हुन्।

पक्राउ परेकाहरुबाट प्रहरीले ५ सय ५० मिलिग्राम लागूऔषध खैरो हेरोइन बरामद गरिएकाे प्रहरीले जनाएकाे छ । त्यस्तै कञ्चनपुरको बेलौरी नगरपालिका–६ रिछाहबाट पनि लागूऔषधसहित एक किशोर पक्राउ परेका छन्। ३ ग्राम ६५ मिलिग्राम र एक थान सानो तराजुसहित बेलौरी नगरपालिका–३ खिरियाका १८ वर्षीय किशोरलाई मंगलबार राति पक्राउ गरिएको प्रहरीले जनाएको छ।

---

प्रहरीले १८ वर्ष पूरा नभएको भन्दै किशोरको नाम भने गाेप्य राखेकाे छ । सुदूरपश्चिम प्रहरी कार्यालय धनगढी र ईलाका प्रहरी कार्यालय बेलौरीबाट खटिएको प्रहरीको संयुक्त टोलीले किशोरलाई लागूऔषधसहित पक्राउ गरेको हो ।