घाँटी रेटेर हत्या गरिएको अवस्थामा एकै घरका दुई बालकको शव फेला

बारा : बाराको कलैया उपमहानगरपालिका-७ रंगपुरमा घाँटी रेटेर हत्या गरिएको अवस्थामा २ जना बालकको शव फेला परेको छ । उनीहरू दुवै जना एउटै घरका दाजुभाइ रहेको प्रहरीले जनाएको छ । 

रंगपुर टोल बस्ने जफार अन्सारीका ९ र ७ वर्षका छोरा उसमान र अमिनको घाँटी रेटेर हत्या गरिएको अवस्थामा शव फेला परेको बाराका प्रहरी प्रवक्ता गौतम मिश्रले जानकारी दिए । उनकाअनुसार दुवै बालकको शव सोही स्थानमा निर्माणाधीन अवस्थामा रहेको मदर्साको भवनमा भेटिएको हो । 

---

दुवैजना बालक सोमबार बिहानदेखि बेपत्ता भएका थिए । मंगलबार बिहान दुवै जनाको भेटिएको प्रहरीले जनाएको छ । घटनाबारे थप अनुसन्धान भइरहेको प्रहरीले जनाएको छ ।