दार्चुलामा ८५ वर्षीया वृद्धाको हत्या

दार्चुला - दार्चुलामा एक वृद्धाको हत्या गरिएको छ।

मालिकार्जुन गाउँपालिका–७ टोपालीकी ८५ वर्षीया भागरथी चन्दको चक्कु प्रहारबाट हत्या गरिएको आंशका रहेको प्रहरीले जनाएको छ। उनको घाँटी र छातीमा चक्कु प्रहार गरिएको घाउ रहेको छ। टोपालीस्थित घरमा एक्लै बस्दै आएकी चन्द  शनिबारदेखि सम्पर्कविहीन भएको भन्दै आफन्तले आइतबार प्रहरीमा निवेदन दिएका थिए।

---

उनको शव सोमबार घरभन्दा करिब दुई सय मिटर पर खोल्सामा फेला परेको जिल्ला प्रहरी कार्यालयका प्रहरी निरीक्षक ज्ञानेन्द्रबहादुर सिंहले बताए। उनको शव पोस्टमार्टमका लागि जिल्ला अस्पतालमा राखिएको छ। हत्याको कारण र संलग्नको पहिचान खुलेको छैन। घटनाको थप अनुसन्धान भइरहेको प्रहरीले जनाएको छ।