अल्वानिया पठाइदिन्छु भन्दै ठगी गरेको आरोपमा महिला पक्राउ

काठमाडौं - अल्वानिया पठाइदिन्छु भन्दै रकम ठगी गरेको आरोपमा एक महिलालाई प्रहरीले पक्राउ गरेको छ। पक्राउ पर्नेमा झापा बिर्तामोड खलंगा ४ स्थाई घर भई हाल काठमाडौंको सिनामंगल बस्ने २५ वर्षीया सुधा चौधरी रहेकी छन्।

काठमाडौं उपत्यका अपराध अनुसन्धान कार्यालय मीनभवनबाट खटिएको प्रहरी टोलीले उनलाई आइतबार सिनामंगलबाट पक्राउ गरेको हो।

---

चौधरीले वैदेशिक रोजगारीको लागि अल्वानिया पठाइदिन्छु भन्दै पीडितलाई प्रलोभनमा पारी पटक पटक गरी २ लाख ७२ हजार रकम लिई सम्पर्क विहीन भएकी थिइन्। पक्राउ परेका चौधरीलाई थप अनुसन्धानका लागि वैदेशिक रोजगार विभागको कार्यालय ताहाचल पठाइएको प्रहरीले जनाएको छ।