बौद्धमा तास खेलिरहेका अवस्थामा नगदसहित पाँच जना पक्राउ

काठमाडौँ- काठमाडौँ महानगरपालिका–६, बौद्धमा तास खेलिरहेका पाँचजनाले पक्राउ परेका छन् । बौद्धका ३९ वर्षीय चतुरमान तामाङको घरमा जुवातास खेलिरहेको अवस्थामा उनीसहित पाँच जनालाई शनिबार साँझ पक्राउ गरिएको प्रहरीले जनाएको छ ।

नगद ३२ हजार ६८० रूपैयाँ र तीन बुक ताससहित उनीहरूलाई नियन्त्रणमा लिइएको प्रहरी प्रधान कार्यालयले जानकारी गराएको छ ।

---