१३ लाख नगदसहित ठमेलको भियाना होटलबाट जुवातास खेलिरहेका ११ जना पक्राउ

काठमाडौँ- ठमेलको भियाना होटलबाट जुवातास खेलिरहेको अवस्थामा ११ जनालाई नेपाल प्रहरीले पक्राउ गरेको छ । काठमाडौं महानगरपालिका २६ को ज्याठास्थित होटल भियानामा जुवातास खेलिरहेको अवस्थामा रोल्पाका ३६ वर्षीय लिला डागी समेत ११ जनालाई सोमबार राति प्रहरीले पक्राउ गरेको हो ।

डागीले उक्त होटलको कोठा नम्बर ६१२ भाडामा लिई जुवा खेलाइरहेका थिए । विशेष सूचनाको आधारमा जिल्ला प्रहरी परिसर काठमाडौँ र प्रहरी वृत्त लैनचौरबाट खटिएको प्रहरी टोलीले उनीहरूलाई नगद १३ लाख ६२ हजार ५ सय रूपैयाँ र ४ बुक ताससहित नियन्त्रणमा लिएको हो ।

---

यस सम्बन्धमा आवश्यक अनुसन्धान गरिरहेको प्रहरीले जनाएको छ ।