ललितपुरबाट हर्कबहादुर पक्राउ

काठमाडौँ- वैदेशिक रोजगारमा पठाइदिन्छु भन्दै ठगी गरी हिड्ने हर्कबहादुर दाहाल पक्राउ परेका छन् । बेरोजगार युवाहरूलाई वैदेशिक रोजगारमा पठाइदिन्छु भन्दै रकम लिँदै सम्पर्कविहीन भएका दाहाललाई काठमाडौँ उपत्यका अपराध अनुसन्धान कार्यालयको प्रहरीले नियन्त्रणमा लिएको हो ।

पाँचथर तुम्बेवा गाउँपालिका १ घर भइ ललितपुर महानगरपालिका १३ कुसुन्ती बस्ने ६४ वर्षीय दाहाललाई महालक्ष्मीस्थानबाट प्रहरीले पक्राउ गरेको हो ।

---

अर्जुनप्रसाद दाहाल लगायतका व्यक्तिहरूसँग १३ लाख ४४ हजार ४ सय रुपैयाँ ठगी गरी उनी फरार रहेका थिए ।

त्यसैगरी, अर्का व्यक्ति मनिष दाहाल पनि पक्राउ परेका छन् । सुनसरी बराहक्षेत्र १० का बानेश्वर ३१ बस्ने दाहाल क्यानडा पठाउने भनी ७ लाख रुपैयाँ ठगी सम्पर्कविहीन भएको थिए ।