चन्द्रनिगाहापुरमा स्कोर्पियोबाट काठ तस्करी

 रौतहट - रौतहटस्थित ईलाका प्रहरी कार्यालय चन्द्रनिगाहापुरको गस्ती टोलीले अवैध सालको काठ सहितको भारतीय नम्बरको स्कोर्पियो गाडी बरामद गरेको छ ।

विशेष सूचनाको आधारमा डीएसपी राजकुमार राईको कमान्डमा गएको टोलीले बिहीबार राति अढाई बजे चन्द्रपुर ६ बेलडिस्थितमा एच आर १४ सी ८६९७ नम्बरको  स्कोर्पियो गाडी माथि शंका लागि चेकजाँच गर्दा गाडी भित्र लुकाईछिपाई राखेको सालको ५ थान गोलिया बरामद गरेको जिल्ला प्रहरी प्रवक्ता डीएसपी एलिजा गिरीले बताएकी छिन्।

---

बरामद गरिएको साढे २३ क्युफिट सालको काठ सहित गाडीलाई आवश्यक कारवाहीको लागि शुक्रबार डिभिजन वन कार्यालय चन्द्रनिगाहापुरमा दाखिला गरिएको जिल्ला प्रहरी कार्यालय रौतहटको सूचनामा उल्लेख गरिएको छ ।