स्रोत नखुलेको ८ लाख २० हजारसहित झापाका उमेश पक्राउ

विराटनगर- स्रोत नखुलेको ८ लाख २० हजार नगदसहित एकजना पक्राउ परेका छन् । 

विराटनगर महानगरपालिका-१८ भेडियारीबाट स्रोत नखुलेको नगद ८ लाख २० हजार रुपैयाँ सहित झापा बिर्तामोड नगरपालिका-३ बस्ने ३४ वर्षीय उमेश साहलाई  प्रहरीले पक्राउ गरेको छ । 

---

भारतबाट नेपालतर्फ आउँदै गरेको को २९ प ८६४० नम्बरको स्कुटरलाई अस्थाई प्रहरी पोष्ट भेडियारीबाट खटिएको प्रहरीले जाँच गर्ने क्रममा स्कुटरको डिकीमा लुकाई ल्याउँदै गरेको उक्त रुपैयाँ फेला पारी उनलाई पक्राउ गरेको हो । 

साहलाई आवश्यक कारबाहीका लागि राजश्व अनुसन्धान क्षेत्रीय कार्यालय ईटहरी सुनसरीमा बुझाइएको जिल्ला प्रहरी कार्यालय मोरङले जनाएको छ ।