प्रतिबन्धित लागूऔषधसहित तीन जना पक्राउ

कैलाली- प्रहरीले प्रतिबन्धित लागूऔषध सहित तीन जनालाई पक्राउ गरेको छ । धनगढी उपमहानगरपालिका-३ मिलनचोकमा शंकास्पद अवस्थामा हिँडिरहेका तीन जनालाई चेकजाँच गर्दा खैरो हेरोइनसहित पक्राउ गरेको प्रहरीले जनाएको छ । 

जिल्ला प्रहरी कार्यालय कैलालीका प्रवक्ता प्रहरी नायव उपरीक्षक (डिएसपी) प्रतीक बिष्टले वडा प्रहरी कार्यालयबाट खटिएको प्रहरी टोलीले गोदावरी नगरपालिका-५ बस्ने बर्ष २२ काे पुस्कर सुनार, सोही ठाउँका बर्ष २७ काे टेकराज भट्ट र रुपन्देही बुटवल उप-महानगरपालिका -६ घर भई हाल धनगढी उपमहानगरपालिका -३ मा डेरामा बस्‍ने बर्ष २५ को शुभम क्षेत्रीलाई पक्राउ गरेको बताए । 

---

प्रहरीले उनीहरूसँग लागूऔषध खैरो हिरोईन २५० मिलि ग्राम, नाईट्राभेट ११९ ट्याब्लेट, प्रोक्सिवेल स्पा २३ क्याप्सुल फेला पारेको बताउँदै प्रवक्ता बिष्टले तीनै जनालाई पक्राउ गरी लागूऔषध शीर्षक मुद्दामा मुद्दा दर्ता गरी थप अनुसन्धान कार्य भईरहेको बताए ।