रक्तचन्दनको तेल जस्तो देखिने तरल पदार्थसहित एक पक्राउ

काठमाडौँ - रक्तचन्दनको तेल जस्ते देखिने पदार्थसहित एक पक्राउ परेका छन् । 

काठमाडौं महानगरपालिका-६ माहांकालबाट रक्तचन्दनको तेल जस्तो देखिने करिब ४ लिटर तरल पदार्थ सहित सोही महानगरपालिका-६ नयाँबस्ती बस्ने सिन्धुपाल्चोक भोटेकोशी गाउँपालिका-४ घर भएका ३० वर्षीय छिरिङ शर्पालाई सोमबार दिउँसो प्रहरीले पक्राउ गरेको हो । 

---

शेर्पाले चलाई ल्याएको बा.७ च ४११०  नम्बरको कारमा उक्त पदार्थ ल्याइरहेको भन्ने खबर प्राप्त हुनासाथ महानगरीय प्रहरी बिट माहांकालबाट खटिएको प्रहरीले जाँच गर्ने क्रममा उक्त पदार्थ सहित फेला पारी उनलाई पक्राउ गरेको हो । 

यस सम्बन्धमा प्रहरीले थप अनुसन्धान गरिरहेको छ ।