अनलाईन ठगी गरेको आरोपमा पक्राउ

काठमाडौँ- अनलाईन ठगी गरेको आरोपमा एक जना पक्राउ परेका छन् । महोत्तरी सम्सी गाउँपालिका-६ घर भई हाल धनुषा जनकपुर मछलीबजार ठेगाना भएका १९ वर्षीय शेष फैसललाई बिहीबार प्रहरीले पक्राउ गरेको छ । 

फैसलले पीडितको एनआइसी एशिया बैंकको खाताबाट कात्तिक ७ गते ५० हजार २ सय रुपैयाँ रकम आफ्नो वालेट आइडि हुँदै सिटिजन बैंक लि.मा रहेको शेष फैजलको नामको खातामा रकमान्तर गरेर ठगी गरेका थिए 

---

ठगी कार्यमा संलग्न रहेका फैसललाई महानगरीय अपराध महाशाखाबाट खटिएको प्रहरीले काठमाडौं एयरपोर्टबाट पक्राउ गरेको हो । उनी उपर ठगी सम्बन्धी कसूरमा आवश्यक कारवाहीको लागि महानगरीय प्रहरी वृत्त नयाँबानेश्वर काठमाडौं पठाएको उक्त महाशाखाले जनाएको छ ।