लागूऔषधसहित ३ जना पक्राउ

कैलाली - कञ्चनपुर प्रहरीले लागूऔषधसहित ३ जनालाई पक्राउ गरेको छ । बुधबार साझ पूर्वपश्चिम राजमार्ग अन्तरगत बेदकोट नगरपालिका १० सिसैया बजारबाट एक युवतीसहित तिनजनालाई लागू औषध खैरे हेरोइनसहित पक्राउ गरिएको जिल्ला प्रहरी कार्यालय कञ्चनपुरले जनाएको छ।

पक्राउ पर्नेमा बेदकोट नगरपालिका –५ का ३२ वर्षीय धनबहादुर धानुक, सोही नगरपालिका ९ नयागाँउ बस्ने २१ वर्षीय पारश थापा र कृष्णपुर नगरपालिका –५ देखतभोलि की १९ वर्षीया मनिषा बिष्ट रहेको जिल्ला प्रहरी कार्यालय कंचनपुरका प्रहरी प्रबक्ता प्रहरी नायब उपरीक्षक (डिएसपी) चक्र बहादुर शाहले बताए । प्रहरीले उनीहरुको साथबाट १.०१ ग्राम लागुऔषध खैरो हेरोइन बरामद गरेको प्रहरी नायब उपरीक्षक शाहले बताए।

---