बडुवाल हत्या आरोपीलाई धरौटीमा छाडेको भन्दै प्रदर्शन

कैलाली - भूपेन्द्र बडुवाल हत्या प्रकरणका आरोपीलाई धरौटीमा छाडेको भन्दै जिल्ला अदालत अगाडि आफन्तहरुले आज प्रदर्शन गरिरहेका छन् । 

बडुवालका आफन्तहरुले र्‍याली सहित बजार परिक्रमापछि जिल्ला अदालत अगाडि आरोपीलाई धरौटीमा छाडेको विरोध र कारबाहीको माग गर्दै प्रदर्शन गरेका हुन्।

---

कात्तिक २३ गते मंगलबार राति लम्कीचुहा नगरपालिका–१ का भूपेन्द्र बडुवालको टिकापुर नगरपालिका स्थित सिद्धार्थ होटेल नजिकै चक्कु प्रहार गरि हत्या भएको थियो। 

हालसम्म बडुवालको हत्या प्रकरणमा पक्राउ परेका ९ जना पुर्पक्षका लागि कारागार चलान भएका छन्। अन्य ३ जना भने धरौटीमा छुटेका छन्। यस्तै हत्या अभियोग लागेका ९ जना भने अझै फरार रहेको प्रहरीले बताएको छ ।