स्रोत नखुलेको १८ लाखसहित दुई जना पक्राउ

पर्सा- स्रोत नखुलेको नगदसहित प्रहरीले दुई जनालाई पक्राउ गरेको छ । वीरगंज महानगरपालिका-८ घण्टाघरस्थित सडकबाट स्रोत नखुलेको नगद १८ लाख रुपैयाँ सहित आइतबार २ जनालाई प्रहरीले पक्राउ गरेको हो । 

पक्राउ पर्नेहरुमा वीरगंज महानगरपालिका-१० का २८ वर्षीय चन्दन कुमार साह र सोही ठाउँका ४४ वर्षीय ओमप्रकाश गुप्ता रहेका छन् । 

---

घण्टाघरबाट आदर्शनगर जाँदै गरेको ना.१६ प ५४४६ नम्बरको मोटरसाइकललाई जिल्ला प्रहरी कार्यालय पर्साबाट खटिएको प्रहरीले जाँच गर्ने क्रममा झोलामा बोकेको उक्त नगद सहित दुवै जनालाई पक्राउ गरेको हो ।

उनीहरु उपर बैंक तथा वित्तीय संस्था सम्बन्धी ऐन, २०७३ विरूद्वको कसूरमा अनुसन्धान अगाडि बढाइएको जिल्ला प्रहरी कार्यालय पर्साले जनाएको छ ।